തിരുവനന്തപുരം വിമാനത്താവളത്തിൻ്റെ നടത്തിപ്പ് അദാനി ഗ്രൂപ്പിന് നൽകുന്നതിനെതിരെ സംസ്ഥാന സർക്കാർ സമർപ്പിച്ച ഹർജി ഹൈക്കോടതി തള്ളി. വിമാനത്താവളം അദാനി ഗ്രൂപ്പിന് കൈമാറിക്കൊണ്ടുള്ള കേന്ദ്രസര്ക്കാര് തീരുമാനത്തിനെതിരെയാണ് സംസ്ഥാന സര്ക്കാർ കോടതിയെ സമീപിച്ചത്.
സംസ്ഥാന സര്ക്കാരിൻ്റെയും മറ്റുള്ളവരുടെയും ഹര്ജികൾ ഡിവിഷൻ ബെഞ്ചാണ് തള്ളി. ജസ്റ്റിസുമാരായ കെ വിനോദ ചന്ദ്രൻ, സി എസ് ഡയസ് എന്നിവരടങ്ങുന്ന അടങ്ങുന്ന ബെഞ്ചാണ് വിധി പ്രസ്താവിച്ചത്. വിമാനത്താവളങ്ങള് പാട്ടത്തിനു കൊടുക്കാന് തീരുമാനിച്ചത് പൊതുജന താല്പ്പര്യാര്ത്ഥമാണെന്ന് കേന്ദ്ര സര്ക്കാര് കോടതിയെ അറിയിച്ചു.
രാജ്യത്തെ നഷ്ടത്തിലായ വിമാനത്താവളങ്ങളുടെ നടത്തിപ്പ് കൂടി കണക്കിലെടുത്താണ് തീരുമാനമെന്നും, ലേലത്തില് പങ്കെടുക്കാന് സംസ്ഥാന സര്ക്കാരിന് പ്രത്യേക ഇളവുകള് അനുവദിച്ചിട്ടും പരാജയപ്പെട്ടു എന്നും കേന്ദ്രം കോടതിയിൽ അറിയിച്ചു.
